Í dag prófaði 8.bekkur nýja fiskuppskrift og hún sló í gegn.
Hér er uppskriftin:
2-4 fiskstykki eftir stærð
2 msk hveiti
½ tsk kryddsalt
Annað krydd ef vill t.d. pipar eða chili
1 msk olía
2 -3 msk smjör
3 hvítlauksrif, smátt söxuð.
1 ½ dl vatn
½ kjúklingateningur
1 tsk kryddjurtir t.d. steinselja eða oregano.
- Saxið hvítlaukinn smátt.
- Blandið saman hveitinu og kryddinu.
- Veltið fiskinum upp úr hveitiblöndunni.
- Hitið olíuna og steikið fiskinn, ekki alveg á mesta hita, fer eftir vélum.
- Bætið 1 msk af smjöri á pönnuna, lækkið hitann á miðhita og látið fiskinn aðeins malla.
- Takið fiskinn af pönnunni.
- Bætið hvítlauknum á pönnuna, bætið 1 msk af smjöri á pönnuna.
- Passið að brenna alls ekki hvítlaukinn, bætið vatninu á pönnuna áður en hvítlaukurinn verður dökkur.
- Bætið kjúklingateningnum, kryddjurtunum og 1 msk af smjöri á pönnuna.
- Hækkið hitann, látið suðuna koma upp og lækkið þá aftur, hrærið vel svo teningurinn bráðni.
- Látið fiskinn á pönnuna, ausið sósunni yfir fiskið og látið hann aðeins malla í sósunni.
- Berið fram með hrísgrjónum